اداکارہ کی اچانک سامنے آئی شادی کی تصویریں، انٹرنیٹ پر مچ گیا ہنگامہ
'کبھی خوشی کبھی غم' میں کرینہ کپور کے بچپن کا کردار ادا کرنے والی اداکارہ مالویکا راج نے حال ہی میں شادی کی ہے۔
اور اپنی شادی کی دلچسپ جھلکیاں بھی شیئر کی ہیں۔
مالویکا راج نے شادی کے فوراً بعد اپنی شادی کی تصاویر اپنے سوشل اکاؤنٹ پر شیئر کی ہیں جس پر ان کے مداحوں اور کئی مشہور شخصیات نے انہیں مبارکباد دی ہے۔
تصاویر میں اداکارہ اپنے شوہر کے ساتھ کافی خوش نظر آرہی ہیں اور دونوں ایک دوسرے کے ساتھ کافی خوبصورت لگ رہے ہیں۔
مالویکا راج کریم رنگ کے لہنگے میں کافی حسین دلہن لگ رہی ہیں اور اس لک کے لئے ان کی تعریف کی جا رہی ہے۔
مالویکا نے اپنے دولہا انٹرپرینیور پرنو بگا کے ساتھ تصویریں شیئر کرتے ہوئے کیپشن میں لکھا: 'ہمارے دل محبت سے بھرے اور شکر گزار ہیں۔'
اداکارہ بالی ووڈ کی دیگر اداکاراؤں کے برائیڈل لُک سے بالکل مختلف نظر آرہی ہیں اور یہ ہم نہیں بلکہ ان کے فالوورز کمنٹس میں لکھ رہے ہیں۔
تاہم کچھ لوگ چونکا دینے والے ردعمل بھی ظاہر کر رہے ہیں، کیونکہ مالویکا نے اپنی شادی کی تاریخ کے حوالے سے اعلان نہیں کیا تھا اور اب اچانک انہوں نے دلہن کے لک میں تصویریں پوسٹ کر دی ہیں۔