રામચરણને ‘ઇડલી'થી સંબોધતા શાહરૂખ થયો ટ્રોલ, જૂઓ પાર્ટીમાં શું થયું?
અનંત અંબાણી અને રાધિકા મર્ચન્ટના પ્રી-વેડિંગમાં ખૂબ ડાન્સ પાર્ટી જોવા મળી. ત્રણેય ખાને રામચરણ સાથે નાટુ નાટુ ગીત પર એકસાથે ડાન્સ કર્યો હતો.
સલમાન, આમિર, શાહરૂખ સ્ટેજ પર નાતુ નાતુ ગીત પર ડાન્સ કરવા જતા હતા. પછી તે રામચરણને સ્ટેજ પરથી તેના સ્ટેપ્સ શીખવવા માટે બોલાવે છે.
આ દરમિયાન શાહરૂખ ખાન રામ ચરણને સંબોધતા ઈડલી પણ કહે છે. સોશિયલ મીડિયા પર ઘણા લોકોને આ વાત પસંદ આવી નથી. તેને આ એક જાતિવાદી ટિપ્પણી લાગી.
રામચરણની પત્ની ઉપાસનાના મેક-અપ આર્ટિસ્ટને પણ શાહરૂખની આ હરકતો પસંદ ન આવી. તેમણે એક ઇન્સ્ટા પોસ્ટ લખી છે.
ઝેબા હસને ઈવેન્ટની ક્લિપ શેર કરી અને ઈન્સ્ટા સ્ટોરી પર લખ્યું – ઈડલી વડા રામ ચરણ, તમે ક્યાં છો? આ સાંભળીને હું બહાર નીકળી ગઇ. રામચરણ જેવા સ્ટાર માટે આવું કહેવું અપમાનજનક છે.
સાઉથ વિરુદ્ધ બોલિવૂડને લઈને ઈન્ટરનેટ પર ચાહકો વચ્ચે વોર જોવા મળી રહ્યું છે. રામચરણના ચાહકોએ કિંગ ખાન દ્વારા બોલવામાં આવેલા શબ્દોને અપમાનજનક ગણાવ્યા છે.
જોકે કિંગ ખાનના ફેન્સે તેને સપોર્ટ કર્યો છે. કિંગ ખાનનો બચાવ કરતી વખતે તેને ગંભીરતાથી ન લેવા કહ્યું છે.
એક યુઝરે કહ્યું- શાહરૂખે રામ ચરણને બોલાવવા માટે તેની ફિલ્મ 'વન 2 કા 4'નો ડાયલોગ બોલ્યો હતો. વેલ, રામચરણ અને કિંગ ખાન તરફથી હજુ સુધી કોઈ પ્રતિક્રિયા આવી નથી.