એક વ્યક્તિએ કંઈ પણ નથી કર્યું અને તેના હાથે ખજાનો લાગી ગયો. વાસ્તવમાં, તે વ્યક્તિના દાદાએ 500 રૂપિયામાં સ્ટેટ બેંક ઓફ ઈન્ડિયાના શેર ખરીદ્યા હતા. આ શેર ખરીદ્યા બાદ તેમણે ક્યારેય વેચ્યા નહીં.
પછી તેમની મૃત્યુ થઈ ગઈ અને હવે તેમના પૌત્રના હાથે તે સર્ટિફિકેટ આવી ગયા છે, જેનાથી ખબર પડે છે કે, તેને તે રૂપિયા મળી શકે છે. વ્યક્તિની ખુશીનું ઠેકાણું નથી.
આ કહાણી ચંદીગઢની છે. એક ડોક્ટર તન્મય મોતીવાલાએ સોશિયલ મીડિયા પર શેર ખરીદી સંબંધિત બોન્ડને અપલોડ કર્યું છે અને પૂરી કહાણી જણાવી છે.
તેણે લખ્યું કે, ‘પાવર ઓફ હોલ્ડિંગ ઈક્વિટી’. તેણે લખ્યું કે, મારા દાદાએ વર્ષ 1994માં 500 રૂપિયાના ભાવે સ્ટેટ બેંક ઓફ ઈન્ડિયાના શેર ખરીદ્યા હતા. તેઓ ખરીદીને પછી ભૂલી ગયા.
તેમણે આગળ જણાવ્યું કે, મને તે સર્ટિફિકેટ ત્યારે મળ્યા, જ્યારે અમે પોતાના પરિવારની હોલ્ડિંગ્સને એક જગ્યા પર એકત્રિત કરી રહ્યા હતા.’
જેમ જ ડો. મોતીવાલાએ સોશિયલ મીડિયા પર પોસ્ટ શેર કરી તો તે વાયરલ થવા લાગી. લોકોએ પૂછવાનું શરૂ કરી દીધું કે, 1994માં 500 રૂપિયાનું રોકાણ હવે કેટલું થઈ ગયું છે.
પછી ડો. મોતીવાલાએ પોસ્ટ શેર કરી અને લખ્યું કે, ડિવિડન્ડ્સ બાદ કરતા તે 500 રૂપિયાના શેરોની વેલ્યૂ 3.75 લાખ રૂપિયા થઈ ગઈ છે.
Disclaimer: આપેલી રોકાણની સલાહ નિષ્ણાતના અંગત મત રજૂ કરે છે. ન્યુઝ 18 ગુજરાતી તેના માટે જવાબદાર નથી. રોકાણ કરતા પહેલા આપના આર્થિક સલાહકારની સલાહ ચોક્કસ લો.