دہلی ہائی کورٹ سے وزیراعلیٰ اروند کیجریوال کو مایوسی
دہلی کے وزیراعلیٰ اروند کیجریوال کو دہلی ہائی کورٹ سے بڑا جھٹکا لگا ہے۔
فی الحال ہائی کورٹ نے کیجریوال کی ضمانت پر روک لگا دی ہے۔
دہلی ہائی کورٹ نے کہا کہ سماعت مکمل ہونے تک ضمانت پر روک رہے گی۔
روز ایونیو کورٹ نے دہلی شراب گھوٹالہ سے متعلق منی لانڈرنگ کیس میں کل یعنی جمعرات کو کیجریوال کو باقاعدہ ضمانت دی تھی۔
لیکن آج ای ڈی کیجریوال کی ضمانت کے خلاف ہائی کورٹ پہنچی۔
انفورسمنٹ ڈائریکٹوریٹ نے کیجریوال کی ضمانت کو دہلی ہائی کورٹ میں چیلنج کیا۔
ای ڈی نے ہائی کورٹ سے فوری سماعت کا مطالبہ کیا۔ ہائی کورٹ نے ای ڈی کی عرضی کو قبول کر لیا۔
ای ڈی نے دہلی کے وزیر اعلیٰ اروند کیجریوال کو 21 مارچ کو شراب گھوٹالہ سے متعلق منی لانڈرنگ کیس میں گرفتار کیا تھا۔
کیجریوال کے آج تہاڑ سے باہر آنے کی بات چل رہی تھی لیکن اس سے پہلے ہی ای ڈی ہائی کورٹ پہنچ گئی۔
ای ڈی کی نمائندگی کرنے والے اے ایس جی ایس وی راجو نے دہلی ہائی کورٹ کو بتایا کہ ٹرائل کورٹ کا حکم ابھی تک اپ لوڈ نہیں کیا گیا ہے اور شرائط معلوم نہیں ہیں۔
اے ایس جی راجو نے عدالت کو بتایا کہ تفتیشی ایجنسی کو دہلی کے سی ایم اروند کیجریوال کی درخواست ضمانت کی مخالفت کرنے کا پورا موقع نہیں دیا گیا ہے۔
اے ایس جی ایس وی راجو نے ہائی کورٹ سے حکم پر روک لگانے اور جلد از جلد کیس کی سماعت کرنے پر زور دیا۔