ಕಲಬುರಗಿ ಮೂಲದ ಹನುಮಂತ ರೆಡ್ಡಿ ಎಂಬವರು ಇಂದು ಬೆಳಗ್ಗೆ ಮಗನ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಬಂದಿದ್ದರು. ಬೆಳಗ್ಗೆ 6 ಗಂಟೆಗೆ ಮೆಜೆಸ್ಟಿಕ್ ರೈಲ್ವೆ ನಿಲ್ದಾಣದ ಬಳಿ ಆಟೋ ಕೇಳಿದಾಗ, ಚಾಲಕರು 600 ರೂ.ಯಿಂದ 800 ರೂಪಾಯಿ ಕೇಳಿದ್ದಾರೆ
ಸಾಮಾನ್ಯ ದರಕ್ಕೆ ಯಾವ ಚಾಲಕರು ಬಾರದ ಹಿನ್ನೆಲೆ ಹನುಮಂತ ಮಗನೊಂದಿಗೆ 3.5 ಕಿಲೋ ಮೀಟರ್ ನಡೆದುಕೊಂಡು ಆಸ್ಪತ್ರೆಗೆ ಬಂದಿದ್ದಾರೆ. ಯಾವ ಚಾಲಕರು ಆಸ್ಪತ್ರೆಗೆ ಬರಲು ಒಪ್ಪಲಿಲ್ಲ ಎಂದು ಹನುಮಂತ ರೆಡ್ಡಿ ಹೇಳುತ್ತಾರೆ
ರೈಲ್ವೆ ನಿಲ್ದಾಣದ ಬಳಿಯಲ್ಲಿದ್ದ ಆಟೋ ಚಾಲಕರು 600 ರೂ.ಗಳಿಂದ 800 ರೂಪಾಯಿ ಹಣ ಕೇಳಿದರು. ಹಾಗಾಗಿ ಮಗನ ಜೊತೆ ನಡೆದುಕೊಂಡೇ ಬಂದೆ. ನಂತರ ಮಗನನ್ನು ಆಸ್ಪತ್ರೆಗೆ ದಾಖಲಿಸಿದೆ ಎಂದರು
ಬಾಡಿಗೆಗೆ ಹೋಗುತ್ತಿದ್ದ ವಾಹನವನ್ನು ತಡೆದು ಚಾಲಕನಿಗೆ ಪೇಟ ತೊಡಿಸಿ ಹಾರ ಹಾಕಿ ಪ್ರತಿಭಟನಾಕಾರರು ತಮ್ಮ ಆಕ್ರೋಶ ಹೊರ ಹಾಕುತ್ತಿದ್ದಾರೆ