புதுச்சேரி மாநிலத்தில் வருகின்ற 19-ஆம் தேதி நாடாளுமன்றத் தேர்தல் நடைபெற உள்ள நிலையில், வாக்களிப்பது குறித்த பல்வேறு கட்ட விழிப்புணர்வு நிகழ்ச்சிகள் புதுச்சேரி தேர்தல் ஆணையம் சார்பில் நடத்தப்பட்டு வருகிறது
இந்த நிலையில் புதுச்சேரி தேர்தல் துறை சார்பில் 2024-ஆம் ஆண்டு வெளியிடப்பட்ட “புதுச்சேரி நிலையான தேர்தல் லோகோ” மெகா சைசில் மாதிரி வரைபடம் வரைதல் நிகழ்ச்சி அபிஷேகப்பாக்கத்தில் உள்ள தனியார் கிரிக்கெட் மைதானத்தில் கடந்த 11-ஆம் தேதி தொடங்கப்பட்டது
240 அடி நீளம் 136 அடி அகலம் கொண்ட இந்த மாதிரி லோகோ 32,640 சதுர அடியில் வரையப்பட்டுள்ளது. இந்த வரைபடத்தில் 10 கிலோ எடை கொண்ட அரைகீரை, சிறுகீரை விதைகள் விதைக்கப்பட்டது
கடந்த 6 நாட்களாக தண்ணீர் தெளிக்கப்பட்டு விதைகள் சிறுசிறு செடிகளாக முளைத்து வந்துள்ள நிலையில் 750 கிலோ கோலமாவு கொண்டு மாதிரி லோகோ வரைபடத்தின் பணிகள் முழுவீச்சில் நடைபெற்று வந்த நிலையில், நேற்று மாலை 3 மணியளவில் இந்த பணிகள் நிறைவடைந்தது
இந்த வரைபடத்தினை தனியார் பள்ளி 9-ஆம்வகுப்பு மாணவிகள் சஜிதா மற்றும் பவித்ரா ஆகியோர் முழுவீச்சில் செய்தனர். இந்த வரைபடம் உலக சாதனை நிகழ்ச்சி புத்தகத்திலும் இடம் பெற உள்ளது
இதற்கான ஏற்பாடுகளை விழிகள் அறக்கட்டளை நிறுவனர் பிரேம்குமார், பள்ளி ஆசிரியர்கள் மற்றும் பெற்றோர்கள் செய்திருந்தனர்