ಜಾಗತಿಕ ಆಧ್ಯಾತ್ಮಿಕ ಗುರುಗಳಾದ, ಶಾಂತಿಯ ನಾಯಕರಾದ ಗುರುದೇವ ಶ್ರೀ ಶ್ರೀ ರವಿಶಂಕರರು ನಮ್ಮ ಜೀವನಗಳಲ್ಲಿ ಶಾಂತಿಯ ಮೌಲ್ಯ ಮತ್ತು ಅವುಗಳ ಸಾರದ ಬಗ್ಗೆ ನೀಡಿರುವ ಕಾಲಾತೀತವಾದ ಕೆಲವು ಉಕ್ತಿಗಳನ್ನು ನಿಮ್ಮ ಮುಂದಿಡುತ್ತಿದ್ದೇವೆ.

ಕೇವಲ ಉನ್ನತ ಹುದ್ದೆ ಕುಳಿತು  ಕಾನೂನು-ನಿಯಮಗಳನ್ನು ಮಾಡುವುದರಿಂದ ವಿಶ್ವ ಶಾಂತಿ ಉಂಟಾಗಲು ಸಾಧ್ಯವಿಲ್ಲ. ನಾವೆಲ್ಲಿ ಇರುವೆವೋ, ಅಲ್ಲಿಂದಲೇ ವಿಶ್ವ ಶಾಂತಿಯು ಆರಂಭವಾಗುತ್ತದೆ. ಶಾಂತನಾದ ವ್ಯಕ್ತಿಗಳಿಂದ, ವಿಶ್ವ ಶಾಂತಿಯು ಉಂಟಾಗುತ್ತದೆ. 

ಶಾಂತಿಯು ನಮ್ಮೊಳಗಿನ ಒಂದು ಸಕಾರಾತ್ಮಕವಾದ ವಿದ್ಯಮಾನ. ಜನರು ಆಂತರ್ಯದಲ್ಲಿ ಶಾಂತಿಯನ್ನು ಕಂಡುಕೊಳ್ಳಬಲ್ಲವರಾದರೆ, ಆಗ ಬಾಹ್ಯದಲ್ಲಿ ಶಾಂತಿಯು ಸಾಕಾರವಾಗುತ್ತದೆ. ವಿಶ್ವಶಾಂತಿಗೆ ಇದೇ ದಾರಿ.

ಉದ್ರಿಕ್ತತೆಯನ್ನು, ಇಂದು ಬಹಳ ಹೆಮ್ಮೆಯ ವಿಷಯವಾಗಿ ಪರಿಗಣಿಸಲಾಗುತ್ತದೆ. ಹಿಂಸೆಯು ನಮ್ಮ ಸ್ವಭಾವವೂ ಅಲ್ಲ; ಅದು ನಾಗರಿಕತೆಯ ಆಧಾರವೂ ಅಲ್ಲ. ನಾವು ಶಾಂತಿಯುತರಾಗಿರುವುದರ ಬಗ್ಗೆ ಹೆಮ್ಮೆಯ ಭಾವವನ್ನು ಮತ್ತೆ ತರಬೇಕಾಗಿದೆ.

ಸಂಘರ್ಷ ಮತ್ತು ಉದ್ರಿಕ್ತತೆಗಳೇ ದೊಡ್ಡ ಸುದ್ದಿಯಾಗಿ ಹರಡಿರುವ ಇಂದಿನ ಜಗತ್ತಿನಲ್ಲಿ, ಶಾಂತಿ-ಅಹಿಂಸೆಯ ಕೂಗು ಜೋರಾಗಿ ಮೊಳಗಬೇಕು. ನಾವು ಸಾಕಷ್ಟು ಜನರು "ನಾನು ಶಾಂತಿಯ ಪರ" ಎಂದಾಗ, ಅದು ಸಾಮೂಹಿಕ ಸಂಕಲ್ಪವಾಗಿ, ಶಾಂತಿಯ ಸ್ಥಾಪನೆಯಾಗುತ್ತದೆ.