ಇನ್ನೇನು ಕೆಲವೇ ದಿನಗಳಲ್ಲಿ ಶ್ರೀಕೃಷ್ಣನ ಜನ್ಮಾಷ್ಟಾಮಿ ಬರಲಿದೆ. ಸಾಮಾನ್ಯವಾಗಿ ಈ ಹಬ್ಬವನ್ನ ಅಷ್ಟಮಿ ತಿಥಿ ಹಾಗೂ ರೋಹಿಣಿ ನಕ್ಷತ್ರದಂದು ಆಚರಿಸಲಾಗುತ್ತದೆ. ಈ ಬಾರಿ ಸೆಪ್ಟೆಂಬರ್ 6 ರ ಮಧ್ಯಾಹ್ನ 3:37 ಕ್ಕೆ ಹಬ್ಬ ಪ್ರಾರಂಭವಾಗುತ್ತದೆ
ಈ ಬಾರಿಯ ಶ್ರೀಕೃಷ್ಣ ಜನ್ಮಾಷ್ಟಮಿಯಂದು ಅಪರೂಪದ ನಕ್ಷತ್ರಗಳು ಮತ್ತು ಗ್ರಹಗಳ ಸಂಯೋಜನೆಯಿಂದಾಗಿ 30 ವರ್ಷಗಳ ನಂತರ ರವಿಯೋಗ ಮತ್ತು ಸರ್ವಾರ್ಥ ಸಿದ್ಧಿ ಯೋಗ ಒಟ್ಟಿಗೆ ರೂಪುಗೊಳ್ಳುತ್ತಿದೆ. ಇದು ಬಹಳ ವಿಶೇಷ ಎನ್ನಲಾಗುತ್ತದೆ
ಇದಿಷ್ಟೇ ಅಲ್ಲದೇ, ಈ ಬಾರಿ ರಾತ್ರಿಯ ಸಮಯದಲ್ಲಿಯೇ ವಿಶೇಷ ಸಂಯೋಗಗಳಾಗುತ್ತಿದೆ. ಇದರ ಜೊತೆಗೆ ಚಂದ್ರನು ವೃಷಭ ರಾಶಿಯಲ್ಲಿದ್ದಾನೆ. ಜನ್ಮಾಷ್ಟಮಿಯಂದು ಇಂಥಹ ಸಂಯೋಜನೆ ಆಗುತ್ತಿರುವುದು ಬಹಳ ವರ್ಷಗಳ ನಂತರ
ಇನ್ನು ಈ ಯೋಗಗಳ ಕಾರಣದಿಂದ ಸಹ ಅನೇಕ ರಾಶಿಯವರಿಗೆ ಅದೃಷ್ಟ ಬರುತ್ತದೆ. ಅವರ ಜೀವನದಲ್ಲಿ ಯಶಸ್ಸು ಹಾಗೂ ಸಂಪತ್ತು ಹುಡುಕಿಕೊಂಡು ಬರುತ್ತದೆ. ವೃಷಭ, ಸಿಂಹ, ಕಟಕ ರಾಶಿಗಳಿಗೆ ಹೆಚ್ಚಿನ ಲಾಭವಾಗುತ್ತದೆ
ಶ್ರೀಕೃಷ್ಣ ಜನ್ಮಾಷ್ಟಮಿಯ ದಿನದಂದು ಕೆಲವು ಕೆಲಸಗಳನ್ನು ಮಾಡುವುದರಿಂದ ಒಳ್ಳೆಯದಾಗುತ್ತದೆ ಎನ್ನುವ ನಂಬಿಕೆ ಇದೆ. ಎಲ್ಲದಕ್ಕಿಂತ ಮುಖ್ಯವಾಗಿ ಆರ್ಥಿಕವಾಗಿ ದೊಡ್ಡ ಲಾಭವಾಗುತ್ತದೆ
ನೀವು ಜನ್ಮಾಷ್ಟಮಿಯಂದು ಶ್ರೀಕೃಷ್ಣನಿಗೆ ಪಂಚಾಮೃತ ಅಭಿಷೇಕವನ್ನ ಮಾಡಬೇಕು. ಇದರಿಂದ ನೀವು ಕೃಷ್ಣನ ಕೃಪೆಗೆ ಪಾತ್ರರಾಗಬಹುದು. ಅಲ್ಲದೇ, ಮನೆಯಲ್ಲಿ ಸಂಪತ್ತು ಹಾಗೂ ಸಮೃದ್ಧಿ ಹೆಚ್ಚಾಗುತ್ತದೆ ಎನ್ನುವ ನಂಬಿಕೆ ಇದೆ
ಅದರ ನಂತರ ನೀವು ಶ್ರೀಕೃಷ್ಣನಿಗೆ ಬೆಣ್ಣೆ ಅರ್ಪಣೆ ಮಾಡಬೇಕು. ಎಲ್ಲರಿಗೂ ಗೊತ್ತಿರುವಂತೆ ಕೃಷ್ಣ ಬೆಣ್ಣೆ ಪ್ರಿಯ. ಹಾಗಾಗಿ ನೀವು ಬೆಣ್ಣೆಯನ್ನ ಅರ್ಪಣೆ ಮಾಡಿದರೆ ನಿಮ್ಮ ಇಷ್ಟಾರ್ಥಗಳು ನೆರವೇರುತ್ತದೆ. ನೀವು ಬಹುಬೇಗ ಶ್ರೀಮಂತರಾಗಬಹುದು