1 ફેબ્રુઆરીથી લાગૂ થઈ ગયા નવા નિયમ, ન ખબર હોય તો જાણી લેજો
નાણામંત્રી નિર્મલા સિતારમણ 1 ફેબ્રુઆરી 2024ના રોજ અંતરિમ બજેટ રજૂ કરશે. ઘણા નિષ્ણાતો કહે છે કે તેઓ સરકાર મૂડી ખર્ચમાં વધારો કરે તેવી અપેક્ષા રાખી રહ્યા છે.
બજેટની સાથે સાથે આવા ઘણા ફેરફારો છે જે 1લી ફેબ્રુઆરીથી શરૂ થવા જઈ રહ્યા છે. આ ફેરફારોની સીધી અસર સામાન્ય માણસ પર પડશે.
1. PFRDAએ જાન્યુઆરીમાં એક મુખ્ય પરિપત્ર બહાર પાડ્યો હતો, જેમાં તેણે નેશનલ પેન્શન સિસ્ટમ (NPS) હેઠળ રોકાણ કરાયેલી રકમ ઉપાડવા માટેની માર્ગદર્શિકા જારી કરી હતી.
નવા નિયમો 1 ફેબ્રુઆરી, 2024થી અમલમાં આવશે. નવા નિયમો જણાવે છે કે આંશિક ઉપાડ માત્ર ચોક્કસ હેતુઓ માટે જ માન્ય છે.
2. કોમર્શિયલ એલપીજી સિલિન્ડરની કિંમતમાં 14 રૂપિયાનો વધારો થયો છે. જોકે, ઘરેલુ એલપીજી ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી.
3. નેશનલ હાઈવે ઓથોરિટી ઓફ ઈન્ડિયા (NHAI) એ જાહેરાત કરી છે કે 31 જાન્યુઆરી પછી જારી કરાયેલા અપૂર્ણ (KYC) સાથેના તમામ ફાસ્ટેગને બેંકો દ્વારા નિષ્ક્રિય અથવા બ્લેકલિસ્ટ કરવામાં આવશે.
બેંક સ્પેશિયલ ફિક્સ્ડ ડિપોઝિટમાં રોકાણ કરનારા રોકાણકારોએ નોંધ લેવી જોઈએ કે આ સ્કીમ 1 ફેબ્રુઆરી, 2024થી ઉપલબ્ધ રહેશે નહીં.
5. ઓનલાઈન ટ્રાન્ઝેક્શન કરનારાઓ માટે નિયમો બદલાશે. RBI કહે છે કે હવે તમે લાભાર્થીનું નામ ઉમેર્યા વિના IMPS દ્વારા બેંક ખાતામાંથી 5 લાખ રૂપિયા સુધી ટ્રાન્સફર કરી શકશો. આ નિયમ 1 ફેબ્રુઆરીથી લાગૂ થઈ ગયા છે.
Disclaimer: આપેલી રોકાણની સલાહ નિષ્ણાતના અંગત મત રજૂ કરે છે. ન્યુઝ 18 ગુજરાતી તેના માટે જવાબદાર નથી. રોકાણ કરતા પહેલા આપના આર્થિક સલાહકારની સલાહ ચોક્કસ લો.