கோவை பூம்புகார் விற்பனை நிலையத்தில் ரோஸ் வுட் மரத்தினால் செய்யப்பட்ட 5 அடி உயர விநாயகர் சிலை விற்பனைக்கு வைக்கப்பட்டுள்ளது. கையால் மட்டுமே செதுக்கி தயாரிக்கப்பட்ட இந்த சிலையின் விலை ரூ.11 லட்சம்
பொதுவாக விநாயகர் சிலைகளின் முன் பகுதியில் மட்டுமே வேலைப்பாடுகள் இருக்கும். ஆனால் இந்த சிலையின் பின் பகுதியிலும் முழுக்க வேலைப்பாடுகள் இருப்பது இதன் தனிச் சிறப்பாகும். தற்போது இது போன்ற சிலைகளை யாரும் செய்வதில்லை
ஆனால், இந்த சிலை தத்ரூபமாக இருக்கிறது. தாமரை மேல் அமர்ந்தவாறு, கையில் மயிலுடன் இருப்பது போன்றும், தாமரை மாலைகள் அணிந்திருப்பது போன்றும் இந்த சிலை வடிவமைக்கப்பட்டுள்ளது
வட இந்தியாவைச் சேர்ந்த சிற்பி இதனை வடிவமைத்துள்ளார். இந்தியா முழுவதிலும் சிறந்த கைவினை பொருட்களை தேர்வு செய்து அவை பூம்புகார் விற்பனை நிலையத்தில் விற்பனை செய்யப்பட்டு வருகிறது