மாணவர்களின் கலைத்திறன்களை வெளிக்கொணரும் விதமாக அரசுப் பள்ளிகளில் பயிலும் மாணவர்கள் பயன்பெறும் வகையில் பள்ளி வட்டார, மாவட்ட மற்றும் மாநில அளவில் கலைத்திருவிழா போட்டிகள் நடத்தப்படும் என தமிழக முதல்வர் அறிவித்திருந்தார்
இதனையொட்டி 3 பிரிவுகளாக இப்போட்டிகள் நடைபெறுகிறது. தனி நபர் அல்லது குழுக்களாக மாணவர்கள் போட்டிகளில் கலந்து கொள்ளலாம் என தெரிவிக்கப்பட்டிருந்தது
அதன்படி 6 முதல் 8 ஆம் வகுப்பு வரை பயிலும் மாணவர்களுக்கு கவின்கலை - நுண்கலை, இசை (வாய்ப்பாட்டு), கருவி இசை, நடனம், நாடகம் மொழித்திறன் என 6 தலைப்புகளில் போட்டிகள் ஒரு பிரிவாக நடைபெற்றது
9 மற்றும் 10 ஆம் வகுப்பு மாணவர்களுக்கு கவின்கலை - நுண்கலை, இசை (வாய்ப்பாட்டு), கருவி இசை, தோற்க்கருவி, நடனம், நாடகம், மொழித்திறன் என 9 தலைப்புகளில் போட்டிகள் நடைபெற்றது
11 மற்றும் 12 ஆம் வகுப்பு மாணவர்களுக்கு காண்கலை - நுண்கலை, இசை வாய்ப்பாட்டு, கருவி இசை, துளை காற்றுக்கருவிகள், இசைச் சங்கமம், நடனம், நாடகம், மொழித்திறன் 9 தலைப்புகளில் போட்டிகள் ஒரு பிரிவாகவும் நடைபெற்றது
இதில் கலந்து கொண்ட மாணவ மாணவிகள் அனைவரும் தெருக்கூத்து, கிராமப்புற இசை, மற்றும் காளி வேடம் அணிந்து வந்த சிறுவன் கதாபாத்திரங்களை உள்வாங்கி தத்ரூபமாக கலைத்திருவிழாவில் வெளிப்பபடுத்தி அசத்தினார்