سہانا خان نے اب شیئر کردی ایسی تصاویر، انٹرنیٹ پر مچ گیا ہنگامہ
شاہ رخ خان کی لاڈلی سہانا خان نے گزشتہ سال ‘دی آرچیز’ سے اپنی اداکاری کا آغاز کیا تھا۔
زویا اختر کی ہدایت کاری میں بنی اس فلم میں وہ بونی کپور کی چھوٹی بیٹی خوشی کپور، امیتابھ بچن کے نواسے اگستیہ نندا اور ویدانگ رینا کے ساتھ نظر آئی تھیں۔
‘دی آرچیز’ کے بعد سے یہ بحث ہو رہی ہے کہ اسٹار کڈز سہانا خان اور اگستیہ نندا ڈیٹنگ کر رہے ہیں۔
اب اداکارہ کی چھٹیوں کی تازہ تصاویر نے ڈیٹنگ کی ان خبروں کو مزید ہوا دی ہے۔
ان دنوں سہانا خان نیویارک میں والد شاہ رخ خان کے ساتھ چھٹیاں گزار رہی ہیں۔ حال ہی میں انہوں نے نیویارک کی چھٹیوں کی کئی تصاویر سوشل میڈیا پر شیئر کی ہیں۔
اداکارہ سہانا خان کے مداحوں نے ان تصاویر میں پراسرار لڑکے کو دیکھا جس کے بعد سوشل میڈیا پر یہ قیاس آرائیاں زور پکڑ گئیں کہ یہ پراسرار لڑکا اگستیہ نندا ہے۔
کئی سوشل میڈیا صارفین نے سہانا خان کی تصاویر پر تبصرہ کرتے ہوئے سوال کیا ہے کہ کیا تصویر میں نظر آنے والا لڑکا اگستیہ ہے؟
دلچسپ بات یہ ہے کہ اگستیہ نندا کی بہن نویا نویلی نندا نے بھی اداکارہ کی ان تصاویر پر ردعمل ظاہر کیا ہے۔ انہوں نے سہانا خان کی تصاویر پر بلیک ہارٹ ڈراپ کیا ہے۔