நீரிழிவு நோய்க்கு பரிந்துரைக்கப்பட்ட மருந்துகளை நிறுத்திய பிறகு உடல் நலத்தில் பெரிதளவு மாற்றம் ஏற்படவில்லை என்றாலும்கூட, இரத்த சர்க்கரை அளவுகளில் கடுமையான விளைவுகளை ஏற்படுத்தும்.

வாழ்க்கை முறை மாற்றங்கள், சரியான கண்காணிப்பு மற்றும் மருந்துகள் மூலம் தொடர்ந்து பராமரிப்பு தேவைப்படும் ஒரு நாள்பட்ட நிலையே 'நீரிழிவு நோய்' என்கிறது இந்திய மருத்துவ ஆராய்ச்சி கவுன்சில் (ICMR).

சர்க்கரை நோய்க்கு மருந்து இல்லை. ஆனால் நோய் ஆரம்பக்கட்டத்தில் இருக்கும் பட்சத்தில், சரியான உணவுப் பழக்கம் மற்றும் வாழ்க்கை முறை மாற்றங்களால் நோய் பாதிப்பை கட்டுக்குள் வைக்கலாம். 

கட்டுப்பாடற்ற நீரிழிவு நோய் அறிகுறியற்றதாக இருக்கலாம். அதனால் நோயாளிகள் எப்படி உணர்கிறார்கள் என்பதன் அடிப்படையில், அவர்களின் நிலையை மதிப்பிடுவது தவறாக இருக்கக் கூடும்.

நீரிழிவு மருந்துகளை திடீரென நிறுத்துவது நோய்த்தொற்றுகள் மற்றும் Diabetes Ketoacidosis போன்ற கடுமையான சிக்கல்களின் அபாயத்தை அதிகரிக்கும். இது உயிருக்கு ஆபத்தானது.